2008-08-21

Street Wars (一個大佬的自白)

致所有「古惑仔 Online」的玩家:

正所謂「辛苦搵來志在食」。

我由代客泊車開始,又賣老翻、又放數收數、又坐枱,最後泥足深陷,糾眾「連環洗劫金鋪」,幾經辛苦,今日總算上岸。

現在我坐擁十幾廿檔大排檔、網吧、酒吧、K 場等,甚至夜總會、酒店、賭場等都有幾間,每小時為我帶來過百萬收入。身上裝備都是最好的,閒時還可乘私人「豪華遊艇」出海轉悠轉悠。

於是我開始問自己,到左今日,人到無求,仲咁辛苦為乜?江湖上依然打打殺殺,無日無之;老友營營役役,每小時收入多過 Bill Gates:那又如何?拿著幾億世家卻戰死沙場,或是勞碌至死,又是為了什麼?

所以我決定金盤洗手、急流勇退。各位大佬,到你們醒悟的時候,歡迎來到小弟遊艇,嘆返杯香檳,細味一下人生。

真的手癢時,仍可駛架綿羊仔走走水貨 (事關「走水貨返大陸」的「邊際經驗值」最高)。切忌「嘆」得太遲呀,兄弟!

4 則留言:

匿名 說...

Ka Co 你好, 冒昧過來打擾. 我也曾經是「古惑仔online」這個遊戲的狂熱fans, 金盤洗手後用這題材寫了一篇小故事, 想邀請你過來參觀交流一下, 請多多指教!


http://bearhungfactory.mysinablog.com/index.php?op=ViewArticle&articleId=1311909

paulsin 說...

哈哈哈,洪兄,小弟十分喜歡閣下的大作,簡直道盡眾兄弟之心聲。其他兄弟當好好細讀你的遭遇,引以為戒!:D

Mr Lamb 說...

兄弟,

我也放棄咗做古惑仔啦。一來已到50級,二來e家每個鐘o既收入多到洗唔晒,個遊戲已經無乜癮了。

不過個遊戲都唔係一文不值,起碼曾經佢都係我地茶飯不思的心頭好。而且,佢都教曉我地小小投資o既道理。有錢就要買地盤投資,唔好用嚟買埋D無謂o既奢侈品。如果現實世界D人都識咁諗,就唔洗政府硬推强積金,我地又唔洗成日睇埋D借錢找咭數o既廣告!唔知fb有冇教人投資o既game?

paulsin 說...

兄弟,恭喜你看破紅塵,改邪歸正,重新生活!